पावसाळ्यातील अति अति अवघड श्री. राजगड ते श्री. रायगड मोहीम सिंगापूर नाल मार्गे

       पावसाळ्यातील अति अति अवघड श्री. राजगड ते श्री. रायगड मोहीम सिंगापूर नाल मार्गे 

आज २३ जून २०२१ अर्थात तिथीनुसार जेष्ठशुद्ध त्रयोदशी शिव राज्याभिषेक शक ३४८ अर्थात हिंदू साम्राज्य दिन. आजच्याच दिवशी इस्लामी सत्तेच्या छाताडावर पाय देऊन हिंदवी स्वराज्यची निर्मिती करून हिंदूचे स्वतंत्र सिंहासन निर्माण झाले.

शिव राज्याभिषेक किल्ले श्री. रायगड 

                      मी स्वत: श्री. मंगेश केनी, ज्येष्ठ धारकरी श्री. खांडरे मामा  आणि इतर चार धारकरी मुंबई वरुन श्री. राजगड ते श्री. रायगड मोहीम करण्यासाठी निघालो होतो. मुंबई ते पुणे प्रवास व्यवस्थित झाला. कोरोना महामारीमुळे प्रवास आणि निवास करण्याचे सर्व पर्याय बदलले होते. आमची मोहिम ही भर पावसाळ्यात नियोजित केली होती. पुणे ते राजगड प्रवास तसा सोपा नव्हताच. आम्ही राजगडकडे प्रस्थान केले. आम्हाला राजगडच्या पायथ्या पर्यन्त सोडण्यासाठी स्थानिक धारकरी यांची रिक्षा आली होती. स्थानिक गाडी व्यतिरिक्त इतर प्रवाशी गाड्या राजगडकडे जाऊ देत नव्हत्या. आम्ही गडाच्या पायथ्याला पोहोचलो तर गडावर जाण्यासाठी प्रतिबंद होता. कारण होते की तोरणा किल्ल्यावर एक बुरुजांचे बांधकाम अज्ञात समाज कंटकाने फोडले होते. शिवाय किल्ले श्री. राजगडावर रोपवे करण्याची घोषणा सरकारने नुकतीचं जाहीर केली होती. अनेक शिवभक्त आणि अनेक संस्थेच्या पदाधिकारी यांनी विरोध सुरु केला होता, त्यामुळे वातावरण तापले होते. प्रशासनाला खूप विनंती केल्यावर आम्हीग डावर प्रवेश केला. म्हणजे आम्ही अथक प्रयत्नांनंतर दिनांक १९ जून २०२१ ला सायंकाळी ५ ते ६ वाजता श्री. राजगडावर  पोहोचलो...

मंगेश केनी आणि इतर धारकरी 

                      आम्ही गड चडताना खूप पाऊस सुरू होता आणि ढग पण खूपच वाहत होते. संपूर्ण गडाला धुक्याची चादर लपेटलेली होती. पावसाळ्यात गडावर जाण्याचा आनंद शब्दांत व्यक्त करणे अवघड आहे. गडावर तुरळक लोक गड दर्शनाला आले होते. संपूर्ण गडाने नुकतीच हरवी शाल पांघरली होती. त्यामुळे गडाचे मनमोहक दृश्य पाहण्यात अद्भुत असा आनंद मिळत होता. आम्ही जसेजसे गड चढाई करत होतो, अगदी तसेतसे इतिहासातील घटनांचे स्मरण होत होते. त्यामुळे कधी मन भरून यायचे तर कधी त्या काळी घडलेल्या घटनांनी आणि पराक्रमाने उर भरून यायचा. 

बालेकिल्ल्याचा मुख्य दरवाजा 

बालेकिल्ला चढाई करायची म्हणजे मन खंबीर लागते. ती चढाई म्हणजे अगदी सरळ चढावे लागते आहे. त्यामुळे बालेकिल्ला पाहताना तो जणू बालेकिल्ला आभाळाला टेकून खुणावतो आहे, असे वाटते. आणि वर पाहून डोळे गरकन फिरतात. पण धारकरी म्हटल म्हणजे अशा चढाई करणे आमच्या अंगवळणी पडलेले असते. अवघड चढाईला भिणारा असेल तर तो धारकरी कसला? 

पश्चिम बुरूज 

गडावर पश्चिम बुरूज सर करणे खूप छान अनुभव होता. पदभ्रमण करताना थंडगार वारा आणि मध्येच पावसाच्या हलक्या सरी मनाला उभारी देत होत्या. तर मध्येच घनदाट धुके अर्थात ते ढग असायचे मग आम्हाला स्वर्गात उतरल्याचा भास अभास वाटायचा. 

आम्ही दुसऱ्या दिवशी सकाळी राजगड उतरलो आणि मग पुढील मार्गाकडे खूच केली. अनेक ठिकाणी नुकताच पाऊस पडून गेला होता. त्यामुळे धरती आणि सह्याद्री पूर्ण हिरवागार झाला होता. 

एकलगाव पठार  

एकलगाव आणि पठार आम्ही गाठले होते. त्या नंतर आता मोहारी... मग रायलिंग पठारकडे कूच करत निघालो. आम्ही भर पावसात रायलिंग गाठले. रायलिंग पठार येथे आम्ही विश्रांती घेतली. जेवण करून झाल्यावर आणि तिथून दिसणारा लिंगाणा आणि मागे धुक्यात दिसणारा किल्ले श्री.रायगड आम्ही डोळ्यांत साठविला आणि आमच्या मोबाईल कॅमेऱ्यात टिपून घेतला. 

धुक्यातील लिंगणा 

रायलिंग पठार आम्ही आता मागे टाकले होते. रायलिंग पठार नंतर आम्ही सिंगापूर नाळेतून कोकणात उतरनार होतो. हा प्रवास पावसाळ्यात करणे म्हणजे अति साहस आणि धाडस घेऊनच आम्ही कूच केली. 

पण कृपया पावसाळ्यात कोणीही सिंगापूर नाळ उतरण्याचा प्रयत्न करू नये... अनुभवावरून...

सिंगापूर नाळ

सिंगापूर नाळचा निसरडा भाग 

आम्ही पुढे सिंगापूर नाळेतून खाली उतरलो आणि  दापोली गावातून श्री. रायगडाकडे प्रस्थान केले. रायगडकडे जाताना वाळण कुंड लागतं. बाजुलाच श्री. वरदायिनी मातेचं स्थान आहे. कुंड ओलांडण्यासाठी लोखंडी पूल आहे. ह्या कुंडच्या भागात गेल्यावर आपण हिमाचल प्रदेश किंवा उत्तराखंड मध्ये आल्यासारखं वाटतं...इतका नितांत सुंदर आणि स्वच्छ परिसर हा वृक्ष राजीणी नटलेला आहे. 
 

वाळण कुंड

लोखंडी पूल

वाळण कुंड

अनेकदा ऐकले होते की जगदीश्वर मंदिरातील मूळ शिवलिंग जे महाराजांनी स्वतः स्थापित केलं होतं. नंतर रायगड मुघलांच्या ताब्यात गेल्यावर हे शिवलिंग सुरक्षेच्या कारणास्तव वारंगी या गावात स्थापित केलं.

शिवराज्याभिषेकाच्या पूर्वसंध्येला म्हणजेच द्वादशी ज्यादिवशी महाराजांनी जगदीश्वरपुजन केलं त्याच तिथीला त्या शिवलिंगाचं दर्शन घेता आलं... किती भाग्यवान म्हणायचे....

वारंगी येथील शिवमंदिर

वारंगी शिवलिंग मंदिर कळस

                       श्री. शिव राज्याभिषेकाच्या मुहूर्तावर स्वराज्याची प्रथम राजधानी श्री. राजगड ते स्वराज्याची दुसरी राजधानी श्री. रायगड मोहिमेचा समारोप ...... मोहीम फत्ते करण्यासाठी प्रतिकूल परिस्थिती असून सुद्धा श्री. राजगडावर पोहोचण्यासाठी सहाय्य केल्याबद्दल मित्र अविनाश गुरव, सिंगापूर नाळेतून उतरताना मार्गदर्शन केल्याबद्दल सह्याद्री संघाचे सचिन चव्हाण तसेच श्री. रायगडावर बंदी असताना मोजक्या जणांच्या यादीत आमचे नाव समाविष्ट करून गडावर प्रवेश दिल्याबद्दल श्री. शिव राजाभिषेक समिती दुर्गराज रायगडाचे खूप खूप आभार. पण हे आभार शब्दांत व्यक्त करणे अवघडच की पण तरीही खुप खुप धन्यवाद !!!

श्री. शिवराज्याभिषेक

श्री. शिवराज्याभिषेक

श्री. रायगड दर्शन 

श्री. जगदीश्वर मंदिर